Bazar ertəsi günü Bitcoin son üç ayın maksimumunu yeniləyib, dollar isə nəzərəçarpacaq bir dinamika göstərmir; bazarlar ABŞ-da iki həftədən sonra keçiriləcək prezident seçkilərini gözləyir.

Valyuta.az bu barədə moscowtimes.ru-ya istinadla xəbər verir. 

Saat 08:01-də dollar indeksi altı əsas valyuta səbətinə qarşı sabit olaraq 103,5 səviyyəsində olub.

Avro və İngiltərə funt sterlinqi müvafiq olaraq $1,0859 və $1,3041 səviyyələrində hərəkətsiz qalıb.

Yapon yeni dollara qarşı 0,11% artaraq 149,34 olub.

İsveçrə frankı 0,8649 səviyyəsində hərəkətsiz qalıb.

Avstraliya dolları $0,6702 səviyyəsində, Yeni Zelandiya dolları isə $0,6072 səviyyəsində mövqeyini saxlayıb.

Yuan sabit qalıb: Çin materik bazarında yuan 7,104 səviyyəsində, ofşor bazarda isə 7,1168 yaxınlığında ticarət olunub.

Bitcoin 0,93% artaraq $69.050,77-ə çatıb.

Ethereum isə 3,59% artaraq $2.738,3 səviyyəsinə yüksəlib.

Nicat