Trampın “Bitcoin” və kriptovalyutalara verdiyi dəstək Trampın prezident seçkilərində irəliləməsində mühüm rol oynayır.

Valyuta.az-ın məlumatına görə, Tramp kriptovalyutaları açıq şəkildə dəstəkləməklə yanaşı, həm də Bitcoin və bəzi altkoinləri öz kampaniyasına ianə kimi qəbul edir. Bu baxımdan, Trump may ayında rəqəmsal tokenlərdə ianə qəbul edən ilk böyük prezidentliyə namizəd olub.

Tramp kriptovalyutada əhəmiyyətli miqdarda ianə toplayıb. Belə ki, Trampı dəstəkləyən “TRUMP COMMITTEE OF 47”də 7,5 milyon dollar dəyərində kriptovalyuta ianəsi toplanılıb.

“CNBC”nin məlumatına görə, Tramp tərəfdarı komitə iyulun 1-dən sentyabrın 30-dək “Bitcoin” (BTC), “Ethereum” (ETH), “XPR”, “Tether” (USDT) və “USD Coin” (USDC) ilə təxminən 7,5 milyon dollar toplayıb. Hesabata görə, bu pulun əksəriyyəti “Coinbase”, “Ripple” və vençur şirkəti “Andreessen Horowitz”in ianələrindən ibarət olsa da, müxtəlif qurumlardan da əhəmiyyətli ianələr gəlib.

Hesabatda həmçinin qeyd olunub ki, seçki dövründə Trampa 5,5 milyon dollardan çox “Bitcoin”, 7 nəfər isə “Ethereum”da təxminən 1,5 milyon dollar bağışlayıb. Trampa ianə 15-dən çox ştatdan, o cümlədən Amerika ərazisi olan Puerto Rikodan gəlib. “Bitcoin Magazine” media qrupunun baş direktoru Devid Beylinin Trampa 498 min dollardan çox “Bitcoin” bağışladığı bildirilib.

Əvəz Həsənov