“Bitcoin” (BTC) və kriptovalyutalar haqqında açıqlamaları, proqnozları ilə diqqət çəkən kriptovalyuta birjası “BitMEX”in həmtəsisçisi Arthur Hayes yeni bloq yazısında investisiyaları ilə bağlı mühüm açıqlamalar verib.

Valyuta.az-ın xəbərinə görə, Arthur Hayes, əlində olan bütün altkoinləri satdığını və yalnız “Smoking Chicken Fish”i (SCF) saxladığını bildirib. O, İran və İsrail arasında gərginlik başlayan kimi altkoin mövqelərini əhəmiyyətli dərəcədə azaltdığını deyir:

“Bitcoin”in zaman keçdikcə yüksəlməsi nə güclü qiymət dəyişkənliyinin olmayacağı, nə də hər bir altkoinin “Bitcoin” ilə yüksələcəyi demək deyil. Buna görə də mövqeləri uyğun şəkildə tənzimləmək ən məntiqli olardı. İran İsrailə son raket hücumunu həyata keçirəndə mən mövqelərimi əhəmiyyətli dərəcədə azaltdım. Kripto aktivlərin qısa müddətdə artan hərbi əməliyyatlara necə reaksiya verəcəyinin gözlənilməzliyini nəzərə alsaq, mövqelərimin ölçüsü böyük idi. Mövqeyimin çox böyük olduğunu bilirdim, çünki bir dəstə altkoinlərə yatırdığım pulun 100%-ni itirsəm əsəbləşərdim. Məhz buna görə də altkoinləri azaltdım. Hal-hazırda sahib olduğum yeganə altkoin “Smoking Chicken Fish” (SCF) kilsəsidir.”

Artur Hayes həmçinin bildirib ki, onun şirkəti “Maelstrom” hələ ki, baş investisiya direktoru Akşata satışdan əvvəl token əməliyyatlarına vəsait paylamağı yavaşlatmaq və ya dayandırmaq göstərişi verməyib. O, “Maelstrom”un əlində olan fiat pulla “Ethena” və müxtəlif az likvid altkoinlərə sərmayə qoyacağını və satın almaq fürsətini gözləyəcəyini bildirib.

Əvəz Həsənov