Yapışdırıcılar, izolyasiya materialları və funksional örtüklər bazarlarında qlobal səviyyədə fəaliyyət göstərən "Henkel" şirkəti cari ilin III rübündə satışlarını 5,5 milyard avroya yüksəldərək 3,3 % həcmində artım əldə edib.  

Valyuta.Az "Bloomberg"ə istinadən xəbər verir ki, şirkətin baş icraçı direktoru Karsten Knobel (Carsten Knobel) açıqlamasında bildirib: “"Henkel"in uğurlu irəliləyişini III rübdə də davam etdirdik. Eyni zamanda, bu dövrdə güclü ümumi mənfəət marjası əldə etdik və bunun sayəsində iş bölmələrimizə və markalarımıza yatırımları artırmağa davam edə bildik. Bu, artım gündəmimizin doğru yolda olduğunu göstərir.”  

Yapışdırıcı texnologiyalar iş bölməsinin satış performansı  

Yapışdırıcı texnologiyalar iş bölməsi 2024-cü ilin III rübündə 2 milyard 800 milyon avro satış həyata keçirib. Bu, əvvəlki ilin eyni dövrü ilə müqayisədə 3,3 % nominal artımı əks etdirir (əvvəlki il: 2 milyard 711 milyon avro). Təbii olaraq (valyuta məzənnələri və satınalma/satış əməliyyatlarına görə düzəldilmiş) isə satışlar 3,7 % artıb.  

İstehlakçı markaları iş bölməsinin satış performansı

İstehlakçı markaları iş bölməsi 2024-cü ilin III rübündə 2 milyard 653 milyon avro dəyərində satış əldə edib. Təbii olaraq (valyuta məzənnələri və satınalma/satış əməliyyatlarına görə düzəldilmiş) bu bölmə davam edən güclü qiymət strategiyası sayəsində 2,7 % artım nümayiş etdirib.  

"Henkel" 2024-cü maliyyə ilində qrup səviyyəsində təbii satış artımının 2,5 %-dən 4,5 %-ə qədər olacağını proqnozlaşdırır. Yapışdırıcı texnologiyalar üzrə orqanik satış artımının 2,0 %-dən 4,0 %-ə, istehlakçı markaları üzrə isə 3,0 %-dən 5,0 %-ə qədər olacağı gözlənilir.  

Rəhim