"Qarabağ zəfəri Azərbaycan-Türkiyə münasibətlərdə hər mənada yeni imkanlar yaradıb, qarşılıqlı ticarətdə, investisiya məsələlərində yeni fürsətlər ortaya çıxarıb".

Valyuta.az Report.az-a istinadən xəbər verir ki, bunu Türkiyənin ticarət naziri Ruhsar Pekcan, Azərbaycan-Türkiyə iqtisadi əlaqələrinə dair "Dəyirmi masa"da deyib.

Onun sözlərinə görə, işğaldan azad edilmiş ərazilərdə yeni sərmayələrin qoyuluşu, fabriklərin tikilməsi, bigə ticarət fəaliyyətlərinin artırılması Orta Dəhliz (Şərq-Qərb beynəlxalq nəqliyyat dəhlizi) adlanan istiqamətin daha aktiv olmasına gətirib çıxaracaq: 

“İmkanlar genişləndiriləcək ki, bu, Azərbaycanın logistika məsələlərində önəmini artıracaq. Xüsusilə də Süveyş kanalındakı qəza Orta Dəhlizin qədər vacib olduğunu sübut edir”.