“Bu günə olan məlumata görə, kirayə mənzil bazarında ən çox bahalaşma iki otaqlı evlərin qiymətində qeydə alınıb. Ondan sonra isə təlabat bir otaqlı mənzillərədir”.

Bunu Valyuta.az-a açıqlamasında əmlak eksperti Nüsrət İbrahimov deyib. Ekspertin sözlərinə görə, təlabat əsasən meto ətrafı və tələbələrin təhsil aldıqları ali məktəb ocaqlarına yaxın evlərədir:

“Bu günə olan məlumata görə, mənzil kirayə bazarında orta qiymət 894 manatdır. Hətta 1000 manata da evlərin təklif olunduğuna dair faktlar var. Ay ərzində mənzil bazarında bahalaşma 6,5% təşkil edib. Ötən ilin eyni dövrü ilə müqayisədə qiymət artımı 13, 98% təşkil edib. Şəhərin mərkəzi hissəsində orta qiymət 1486 manat, ucqar yerlərdə 454 manat, orta hissəsində 722 manat təşkil edb. Hər üçün yerdə bahalaşama qeydə alınıb”.

Ekspert mənzil bazarında bahalaşmanın davam etdiyini vurğulayıb.

Aylin