“İpoteka ilə mənzil alarkən tələb olunan ilkin ödəniş risklərdən yayınmaq üçün nəzərdə tutulur”.

Bunu Valyuta.az-a açıqlamasında mənzil eksperti Nüsrət İbrahimov deyib. Onun sözlərinə görə, bəzi şəxslər mənzilə köçəndən sonra onu pis hala qoyurlar və sonra da izlərini itirirlər:

“İlkin ödəniş də belə hadisələrin qarşısını almaq üçündür. O şəxslər ki, çıxıb gedir, ödədiyi pulla mənzili təmir edirlər. Dünyanın hər yerində bu belədir”.  

Nüsrət İbrahimov deyib ki, insanlar ipoteka ilə ev alır və 25 ilə ilkin dəyərindən 70% artıq pul ödəyir:

“Amma kirayə mənzildə isə 52% artıq pul ödəyir. Deməli, kirayə ipotekadan daha sərfəlidir. Amma bu gün vətəndaşlar ipotekaya daha çox meyl edir, nəinki kirayə mənzilə. Hər bazarın özünün qanunları var. İlkin ödəniş olmadan mənzil bazarı olmaz. İpoteka Fondu kirayə evlər təklif edir, bu dövlətin qurumudur. Artıq bir neçə ildir ki, bu layihə Bakı və Sumqayıt şəhərlərində həyata keçirilir və müəyyən ərazilərdə satışlar həyata keçirir. Mənzili 25 illiyə kirayəyə götürürsən. Müddət başa çatandan sonra ev sənədlərlə sahibinin adına rəsmiləşir”.

Aylin