İpoteka krediti hesabına əsasən ucuz mənzillər alınır - EKSPERT
İyun ayı ərzində daşınmaz əmlak bazarında 2,24% artım olub. Bu ilin iyun ayının göstəricisi ötən ilin eyni dövrünün göstərcisindən 4,94% çoxdur.
Valyuta.az Vergiler.az-a istinadən xəbər verir ki, bu barədə “MBA” konsaltinq və qiymətləndirmə şirkətinin baş direktoru, daşınmaz əmlak üzrə ekspert Nüsrət İbrahimov açıqlama verib.
Bu sahədəki mövcud vəziyyəti şərh edən ekspert bildirib ki, keçən ay təkrar mənzil bazarında 1,69% artım olsa da, bu, ötən ilin eyni dövrü ilə müqayisədə 1,23% azdır:
“İlkin mənzil bazarında isə ay ərzində 1,24% artım qeydə alınıb və bu sahədə ötən ilin eyni ayı ilə müqayisədə 1,61% artım olub: “Torpaq bazarında 0,49% artım var. Lakin ötən ilin eyni dövrü ilə müqayisədə bu sahədə 10,22% faiz azalma müşahidə olunur.
Azalmanın səbəbi tikinti norma və standartlarına nəzarətin sərtləşdirilməsidir ki, nəticədə tikintinin həcmi azalır. Əvvəllər 1 hektar ərazidə 50-60 min kvadratmetr tikinti aparılırdısa, indiki norma və standarta görə 20-26 min kvadratmetr tikilə bilərlər. Bu, tikintinin maya dəyərini artırır və nəticəsə torpağın qiymətinə öz təsirini göstərir. Fərdi yaşayış və bağ evləri bazarında isə ay ərzində 3,8%, (ötən ilin eyni ayı ilə müqayisədə 7,33%), kommersiya obyektləri bazarında 5,17% (ötən illin eyni dövrü ilə müqayisədə 14,7%) artım var”.
Ekspert bildirir ki, kirayə mənzil bazarında 5,13%, (ötən ilin eyni dövrü ilə müqayisədə 11,24%), ticarət obyektlərinin icarəsi bazarında 5,78% (ötən ilin eyni dövrü ilə müqayisədə 13,47%), tikinti materialları bazarında 0,51% (ötən ilin eyni dövrü ilə müqayisədə 21,56 %) artım var.
Onun sözlərinə görə, iyun ayında fərdi yaşayış və bağ evlərinin kirayəsi bazarında 11,05% artım olsa da, bu göstərici ötən ilin eyni ayı ilə müqaisədə 14,17% azalma var.
Mənzil bazarında qiymətlərin sabit qaldığını deyən ekspert bildirib ki, ipoteka krediti hesabına daha çox ucuz mənzillər alınır.
“Bahalı mənzillərə isə hazırda ciddi tələbat yoxdur”, - deyə ekspert vurğulayıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay