“Keçən il 44 günlük müharibə zamanı Prezident, Ali Baş Komandan İlham Əliyevin rəhbərliyi ilə Azərbaycan öz ərazi bütövlüyünü bərpa etdi, uzun illər işğal altındakı ərazilərini azad etdi”.

Valyuta.az=ın APA-ya istinadən verdiyi məlumata görə, bunu bu gün Ağdam şəhərində səfərdə olan Ölkə ərazisində su ehtiyatlarından səmərəli istifadənin təmin edilməsi, su təsərrüfatının idarə olunmasının təkmilləşdirilməsi və bu sahədə fəaliyyətin əlaqələndirilməsi məqsədilə yaradılmış Komissiyanın sədri, Baş nazirin müavini Şahin Mustafayev bildirib.

Ş. Mustafayev işğaldan azad edilən ərazilərdə artıq quruculuq işlərinə başlanıldığını, Prezident İlham Əliyevin rəhbərliyi ilə genişmiqyaslı tədbirlərin həyata keçirildiyini söyləyib: 

“Biz Ağdam şəhərinə səfər edərkən əyani şəkildə gördük ki, yollar salınır, binalar, məktəblər tikilir, təmir işləri həyata keçirilir, torpaq canlanır. Bu, artıq Azərbaycanın işğaldan azad olunmuş ərazilərdə quruculuq dövrünə qədəm qoyduğunu göstərir. Prezident İlham Əliyevin də qeyd etdiyi kimi, dövlət başçısının rəhbərliyi altında işğaldan azad olunmuş ərazilər çiçəklənəcək və dünyanın ən gözəl guşələrindən birinə çevriləcək. Bu gün Ağdama səfərdə məqsəd Prezident İlham Əliyevin apardığı siyasətin tərkib hissəsi olan su ehtiyatlarından səmərəli istifadənin işğaldan azad olunmuş ərazilərdə təmin edilməsidir. Bu gün biz qürur hissi ilə Ağdamda Komissiyanın iclasını keçiririk”.