Nvidia qrafik kartlı kompüterlər üçün xüsusi olaraq hazırlanmış "Nvidia App", əla funksiyalarla yenilənərək beta mərhələsindən çıxıb.

Valyuta.az xəbər verir ki, bir müddətdir beta mərhələsində sınaqdan keçirilən proqram, təkmilləşdirilmiş istifadəçi interfeysi və daha çox tənzimləmə seçimi ilə rəsmi olaraq yayımlanıb.

İstifadəçilər, əgər cihazları dəstəkləyirsə, daha əvvəl əlçatan olmayan qrafik parametrlərinə daxil olaraq kompüter performansını əhəmiyyətli dərəcədə artıra bilərlər.

"Nvidia App" "Game Ready"nin yerini aldı

"Game Ready"nin yerini alan "Nvidia App", pulsuz oyun yazma funksiyası olan "Nvidia ShadowPlay" ilə təqdim edilir. İstifadəçilər oyunlarını qeyd edə və "Instant Replay" xüsusiyyəti ilə ən yaxşı anlarını avtomatik olaraq əldə edə bilərlər. Bundan əlavə, "RTX 40" seriyası qrafik kartları üçün "AV1" kodeklə yazma funksiyasını da dəstəkləyir.

Digər tərəfdən, "Nvidia Reflex Analyzer" xüsusiyyəti ilə oyunlarda FPS, qrafik kartı istifadəsi və CPU istifadəsi kimi məlumatları ekranın küncündən anlıq olaraq izləmək mümkündür.

Proqramın "Sistem" bölməsindən isə güc, gərginlik, istilik və ventilyator sürətini tənzimləyərək qrafik kartının gücünü artırmaq mümkündür.

Rəhim