Süni intellekt, kopyala-yapışdır, "PowerPoint" və "Google" kimi texnologiyaların gündəlik həyatımıza daxil olması insanların zəka səviyyəsinə təsir edib. Bu texnologiyalar bizi daha da kütləşdirəcək."

Valyuta.az xəbər verir ki, bunu "Bloomberg"ə açıqlamasında, filosof, psixoloq və süni intellekt üzrə mütəxəssis olan italyan akademik Rikardo Manzotti, süni intellektin insan psixologiyası və zəkasına təsirlərini dəyərləndirərkən bildirib.

"Zehnin Sərhədləri" və "The Spread Mind" kitablarının müəllifi Manzotti, süni intellektin bir inqilab olduğunu və adətən güzgü funksiyası daşıdığını qeyd edib.

"Tələbələrimə beş il ərzində onların edə biləcəyi, amma süni intellektin edə bilməyəcəyi işləri soruşuram. Bu suala dəqiq cavab ala bilmirəm," deyən Manzotti, süni intellektin insanların yerinə yetirə biləcəyi bir çox işi həyata keçirməyə doğru inkişaf etdiyini vurğulayıb.

Süni intellekt və müasir texnologiyaların insanları necə tənbəlləşdirdiyinə toxunan Manzotti, "Flynn Effekti" araşdırmasını xatırladıb. Qərb ölkələrində yaşayan insanların zəka səviyyəsinin 1995-ci illərdə artdığını bildirən Manzotti, həmin IQ səviyyəsinin zirvəyə çatdığını və sonradan enməyə başladığını qeyd edib. Manzotti hazırda süni intellekt səbəbindən insanların IQ səviyyəsinin daha da geriləyəcəyini açıqlayıb. "PowerPoint, kopyala-yapışdır və Google kimi texnologiyaların insanların gündəlik həyatına daxil olması insanların zəkasına təsir edib," deyə vurğulayan Manzotti, bu texnologiyaların bizi daha da axmaqlaşdırdığını bildirib.

"Maşınlar danışdıqları dili bir çox insandan daha yaxşı istifadə edirlər"

Süni intellektin öz varlığını sorğulamasının mühüm bir yenilik olacağını qeyd edən Manzotti, hazırda danışan maşınların olduğunu və hətta danışdıqları dili bir çox insandan daha yaxşı istifadə etdiklərini deyib.

Geoffrey Hintonun süni intellektin iqlim dəyişikliyindən "daha təcili" bir təhlükə olduğu barədə xəbərdarlığına toxunan Manzotti, dövlətlərin edəcəyi dəyişikliklərin süni intellektin sui-istifadəsinin qarşısını ala biləcəyini bildirib. Manzotti, "Cinayət məsuliyyətləri olmalıdır. Süni intellekt vasitəsilə pul çapının və ya saxta xəbərlər yayılmasının qarşısı alınmalıdır. Bir vizualın həqiqi və ya saxta olub-olmadığını bilmək çox vacibdir," ifadələrini işlədib.

Rəhim