"Firefox" brauzerinin yaradıcısı olan "Mozilla" şirkətinin qeyri-kommersiya qolunu təşkil edən Mozilla Fondu, dəyişikliklərlə mübarizə aparmaq məqsədilə işçilərinin 30 faizini ixtisar etdiyini elan edib.

Valyuta.az-ın məlumatına əsasən bu xəbəri Mozilla Fondunun kommunikasiya rəhbəri Brandon Borrman "TechCrunch" təsdiqləyib. 

Şirkətdən bildirilib ki, “Mozilla Fondu daha çevik və təsirli olmaq üçün komandalarda yenidən təşkilatlanma aparır. Bu, təəssüf ki, əvvəlki dövrlərdə həyata keçirdiyimiz bəzi işləri dayandırmağı və irəliyə daha fokuslanmış şəkildə addımlamağı tələb edir”.

Fondun illik vergi hesabatlarına əsasən, 2022-ci vergi ilində Mozilla Fondu 60 işçiyə sahib idi. İxtisarlardan əvvəl işçilərin sayı 120 nəfərə yaxın olub. Mozilla-nın sözçüsü bu rəqəmi təsdiqləməyib, lakin təkzib də etməyib.

Bu il Mozilla-da ikinci dəfə işçi ixtisarları həyata keçirilir; ilk ixtisar "Firefox" brauzeri üzərində işləyən onlarca işçiyə təsir edib.

"Mozilla" bir neçə təşkilatdan ibarətdir: bunlardan biri "Firefox" və digər texnologiyaları inkişaf etdirən Mozilla Korporasiyası, digəri isə "Mozilla"nın korporativ idarəetmə strukturlarını və siyasətini müəyyənləşdirən qeyri-kommersiya Mozilla Fondudur.

"Mozilla"nın əsas fəaliyyəti məxfilik, inklüzivlik və texnologiyaların mərkəzsizləşməsi kimi mövzularda müdafiə işlərinə yönəlmişdi ki, bu da brauzer istehlakçılarına və istifadəçilərinə fayda verirdi.

İxtisarlar haqqında bütün işçilərə 30 oktyabr tarixində göndərilən məktubda Mozilla Fondunun icraçı direktoru Nəbihə Səid fondun iki əsas bölməsinin – müdafiə və qlobal proqramlar şöbələrinin artıq təşkilatın strukturunda olmadığını təsdiqləyib.

İctimaiyyətə açıqlama verildikdən sonra Borrman "advokasiya (müdafiə) hələ də Mozilla Fondunun əsas fəaliyyət istiqamətidir və təşkilatın digər funksional sahələrinə inteqrasiya ediləcək" - deyə bildirib, lakin konkret detallar verməyib.

“Mozilla-da missiyamız daha yüksək risklərlə qarşı-qarşıyadır”- deyə Səid işçilərə göndərdiyi məktubda yazıb. “Biz texnologiya dünyasında və ümumilikdə dəyişikliklərin artdığı bir dövrdəyik və mənfəətdən öncə insanları düşünmək ideyası getdikcə daha radikal görünür.”

“Bu mürəkkəb və diqqəti yayındıran dövrü idarə etmək üçün dəqiq diqqət tələb olunur – və bəzən bizi bu günə gətirən mükəmməl işlərlə vidalaşmaq lazımdır, çünki bu işlər bizi növbəti zirvəyə çatdırmayacaq. Yüksək hədəflər ağır qərarlar tələb edir”- deyə Səid əlavə edib.

Səid fevral ayında Mozilla Fonduna qoşulub və bundan əvvəl məlumat jurnalistikası və araşdırma xəbərləri sahəsində fəaliyyət göstərən "The Markup" təşkilatında baş icraçı direktor olub.

Rəhim