Prosessor istehsalçısı Intel 2024-cü ilin dördüncü rübündən başlayaraq işçi qüvvəsinin 15%-ni (təxminən 17500 nəfər) ixtisar etməyi və dividend ödənişlərini dayandırmağı planlaşdırdığını açıqlayıb. 

Valyuta.az xəbər verir ki, bu barədə Reuters yazıb. 

Bu qərarın fonunda Intel səhmləri 20% ucuzlaşıb və şirkət 24 milyard dollardan çox bazar dəyərini itirib.

Intel hazırda “dönüş planı”nı izləyir. Əsas diqqət ən müasir süni intellekt prosessorlarının yaradılmasına və onun istehsal gücünün artırılmasına yönəlib.

İşçilərin ixtisar edilməsi qərarını şərh edən CEO Pat Gelsinger, qərargahda daha az adama və müştəriləri dəstəkləyən sahədə daha çox insana ehtiyac duyduğunu söyləyib.

İyulun əvvəlində San Dieqodakı Kaliforniya Universitetinin alimlərinin Intel prosessorlarında Indirector adlı yeni boşluq aşkar etdikləri barədə məlumat yayılmışdı. Dark Reading qeyd edib ki, şirkət artıq Spectre hücumlarından qorunmaq üçün düzəliş buraxıb, lakin bu, performansın əhəmiyyətli dərəcədə azalmasına gətirib çıxarır.

Nicat