"Apple" "OpenAI"a heç bir ödəniş etmir. "OpenAI" də "Apple"a pul ödəmir. İki şirkət arasındakı ortaqlığın ən azı ilkin olaraq gəlir gətirməsi gözlənilmir. Əslində, "Apple" "ChatGPT"nin "iOS 18"-ə inteqrasiyasının nağd və ya daha çox pula dəyər bir hərəkət olduğuna inanır.

İkisi arasındakı razılaşma "ChatGPT"nin "Siri"yə inteqrasiyasını və yeni alətləri əhatə edir. Adının açıqlanmasını istəməyən mənbələr "Apple"ın bu ortaqlıq nəticəsində "OpenAI"a pul ödəmədiyini bildirib. 

Mənbələr bildirib ki, "Apple" pul ödəməkdənsə, "OpenAI" markasını və texnologiyasını yüz milyonlarla cihaza daşımağı daha dəyərli hesab edib.

"Apple"ın gələcək məqsədi süni intellekt şirkətləri ilə gəlirlərin bölüşdürülməsi üzrə tərəfdaşlıqlar qurmaqdır. Belə ki, süni intellekt şirkətləri "Apple" cihazlarında quraşdırılan çatbotlardan pul qazanarkən, "Cupertino" şirkətinə də müəyyən pay verəcəklər.

"iOS 18"də olan süni intellekt xüsusiyyətlərinin niyə köhnə "iPhone"larda deyil, yalnız "iPhone 15 Pro"da işləyəcəyi məlum olub. "Apple" analitiki Ming-Chi Kuo və bir neçə başqa mənbənin fikrincə, səbəb prosessor gücü ilə deyil, operativ yaddaşla bağlıdır. Ən azından proqnozlaşdırılan belə idi. Ming-Chi Kuo-nun açıqlamasına görə, "Apple Intelligence"in cihazda olan süni intellekt xüsusiyyətləri üçün ən azı 2 GB və ya daha çox RAM lazımdır. 8 GB RAM-a malik qurğular ehtiyacı ödəyir, bir sözlə, vəziyyəti xilas edir. "Apple Intelligence" ilə uyğun gələn cihazların siyahısına baxdığımızda onların hamısının 8 GB RAM olduğunu görürük. A16, M1 ilə müqayisədə daha yüksək prosessor gücü təklif etsə də, RAM-da itirir.

Əvəz Həsənov