Dünyanın ən böyük texnologiya şirkətlərindən biri olan “Google” daha bir tətbiqini bağlamaq qərarına gəlib. 

Valyuta.az xəbər verir ki, “Google Podcasts” da artıq tarixə qovuşmaq üzrədir. Şirkət “Google Podcasts”ı “YouTube Music” tətbiqinə köçürməyə hazırlaşır. Buna qədər məşhur texnologiya şirkəti “Google Glass”, “Google Stadia”, “Google+”, “Google Hangouts” da daxil olmaqla ümumilikdə 293 tətbiqin istifadəsini dayandırmışdı. 294-cü isə “Google Podcasts” olacaq.

“Killed by Google” internet səhifəsindən toplanan məlumata görə, “Google” tərəfindən bu günə qədər 293 tətbiq müxtəlif səbəblərdən bağlanaraq tarixə düşüb. Təkcə dünya üzrə Android cihazlarında 500 milyon dəfədən çox quraşdırılan “Google Podcasts” beş ildən artıqdır ki, podkastları kəşf etmək istəyən istifadəçilərin diqqətini çəkən proqramlardan olub.

2024-cü ildə dayandırılacağı açıqlanan “Google Podcasts” üçün şirkət istifadəçilərin məlumatlarını “YouTube Music”ə köçürmələrini istəyir. Beləliklə, “Google” vasitəsilə podkastları dinləmək fikrində olan istifadəçilər artıq “YouTube Music” platformasında istədikləri kanallara daxil ola biləcəklər.

Əvvəllər Google tərəfindən dayandırılmış bəzi mühüm proqramlar bunlardır:

“Google Glass”

10 il əvvəl ilk istehlakçı yönümlü eynəklərini bazara çıxaran şirkət böyük gözləntilərlə rəğmən istəyinə nail ola bilmədi. Həm artırılmış reallıq mənasında istifadəçinin gözünə məlumat gətirən, həm də foto və video çəkmə imkanı təqdim edən eynəklər yüksək qiymətə görə gözlənilən diqqəti görməyib. 2017-ci ildə yalnız müəssisələr üçün eynək istehsal edəcəyini açıqlayan şirkət bundan sonra yeni satışlar etməyəcəyini açıqlamışdı.

“Google Stadia”

“Google”un ən böyük təşəbbüslərindən biri olan bulud əsaslı oyun xidməti də gözləntiləri qarşılamadığı üçün bağlandı. Böyük ümidlər bəslənilən və ilk elan edildiyi zaman oyun ekosistemini əhəmiyyətli ölçüdə dəyişdirəcəyi düşünülən layihə, adını tarixdəki uğursuz cəhdlər arasına yazdırdı.

“Google+”

“Google Plus” (Google+) “Facebook” və “X” (Twitter) kimi sosial media şəbəkələrinə bənzər bir quruluşa malik idi. “Google”a məxsus olduğu üçün böyük ümidlərlə qurulan sosial media şəbəkəsi 2019-cu ildə bağlanıb. Platforma istənilən yayılma dərəcəsinə çatmamaqla yayım ömür boyu uğursuz oldu.

“Google Hangouts”

“Google”un mesajlaşma proqramı hesab edilən “Hangouts” 2011-ci ildə şirkət tərəfindən istifadəyə verilmişdi. Dövrün mesajlaşma proqramları ilə böyük rəqabətdə olan “Google Hangouts”, digər tətbiqlər istifadə nisbətlərini artırdıqca, populyarlığını itirməyə başladı. Şirkət bu səbəbdən 2022-ci ildən etibarən “Hangouts” tətbiqini dayandırdı.

Elmir