"Apple Vision Pro"nun yeni beta funksiyası istifadəçilərə "FaceTime" vasitəsilə danışdıqları insanları sanki onların yanındaymış kimi görməyə imkan verir.

Valyuta.az xəbər verir ki, videozənglərdə əvvəllər istifadəçinin yarı-üçölçülü avatarları olan "Persona" funksiyasından istifadə edilib. Amma istifadəçinin üzünün skan edilməsi ilə yaradılan bu rəqəmsal avatarlar zəng zamanı çox hərəkət etmirdi. “Spatial Persona” vasitəsilə söhbətdə olan insanların avatarları isə sərbəst hərəkət edir və sanki fiziki olaraq otaqdaymış kimi görünürlər.

"Spatial Persona" "FaceTime" zəngləri zamanı açıla bilər və istifadəçilərə "SharePlay" vasitəsilə oyun oynamaq, nəsə izləmək və ya birlikdə işləmək imkanı verir. Məsələn, "Persona"lar film izləyərkən yan-yana otururlar və oyun oynayarkən otaqda dairəvi düzülə bilirlər. Həmçinin bildirilir ki, ətrafda görünən avatarlar da yerini dəyişə bilər. Üz ifadələri və əl hərəkətləri edən şəxslərlə göz təması da qurmaq mümkündür. Bu avatarların səsinin otaqdakı mövqelərindən gəldiyi də bildirilir.

"Apple" eyni vaxtda maksimum beş nəfərin bu funksiyadan istifadə etməsinə icazə verir. Texnoloji şirkət həmçinin cihazda "Apple Vision OS 1.1" və ya daha yeni versiya olmalıdır. Həmçinin zəng edən şəxsdə "Apple Vision Pro" olmalıdır.

Elmir