Bu ilin yanvar-avqust aylarında “Azərkosmos” ASC tərəfindən dünyanın 31 ölkəsinə 30,8 mln. ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac edilib.

Valyuta.az xəbər verir ki, bu barədə İqtisadi İslahatların Təhlili və Kommunikasiya Mərkəzinin sentyabr ayı üçün açıqladığı "İxrac İcmalı"nda əks olunub.

Sənəddə, bu göstəricinin ötən ilin müvafiq dövrü ilə müqayisədə 1,3 faiz çox olduğu qeyd edilib. 

ASC-nin xidmət ixracından əldə etdiyi gəlir onun ümumi gəlirlərinin 91%-ni təşkil edib.

2021-ci ilin avqust ayında isə “Azərkosmos” dünyanın 22 ölkəsinə 2,2 mln. dollar dəyərində xidmət ixrac edib.

Cari ilin ilk səkkiz ayları ərzində portala daxil olan ixrac sifarişlərinin ilk beşliyində isə 9,6 mln. dollar ilə ABŞ, 6,6 mln. dollar ilə Birləşmiş Krallıq, 6,4 mln. dollar ilə Fransa, 3,7 mln. dollar ilə Malayziya və 1,1 mln. dollar ilə BƏƏ qərarlaşıb.

Ziya İkramlı