Anar Bayramov
"SAT Group” şirkətinin həmtəsisçisi, idarəçi və biznes konsultant

Biznesdə həmişə vəziyyət yaxşı olmur. Hətta bəzi hallarda çox pis olur – “turbulans” vəziyyəti olur. Bu çətin vəziyyətdən çıxmaq üçün adətən steykholderlərin (işçilər, müştərilər və s.) dəstəyinə ehtiyac olur. Bu dəstəyi qazanmaq üçün onlarla düzgün kommunikasiya lazımdır. 

Məsələn, çətin günlərdə işçilərin dəstəyini almaq istəyirsənsə, rəhbərlik olaraq səhvlər edildiyini etiraf elə və düzəltmək iradəsini ortaya qoy, bu halda işçilərin dəstək vermək ehtimalı çox artacaq.

Eyni hal müştərilər üçün də keçərlidir. Təsəvvür edək ki, şirkətdəki problemlərə görə xeyli müştəri itirilib və itirməkdə davam edirik. Biri var deyirsən ki, bizdə hər şey yaxşıdır, gəlin bizə.

Biri də var deyirsən ki, səhvlərimiz olub. Sizi incitmişik. Artıq həllini tapmışıq və söz veririk ki, bir daha olmayacaq. Bu halda müştərilər daha çox inanacaqlar və dəstək verəcəklər. Etiraf geridönüş (turnaround) üçün çox önəmlidir.