Yeni Zelandiyada hazırda məlum olan təbii qaz ehtiyyatı 10 ilə bəs edəcək.

Valyuta.az xəbər verir ki, bu barədə ölkənin Biznes, İnnovasiya və Məşğulluq Nazirliyinin (MBİE) saytında məlumat verilib.

Ölkənin yataqlarında qazın sübut edilmiş və ehtimal olunan həcmləri 2022-ci ilin sonuna kimi 17% azalaraq 1635 petajulə düşüb - hazırkı istehlak həcmində onlar cəmi 10 il bəs edəcək. Eyni zamanda, göstəricinin azalması təkcə istehlakın artması ilə bağlı deyil, həm də qalan həcmlərin daha dəqiq təhlili ilə bağlı olub.

Hesabatda qeyd olunur ki, 2027-ci ilə qədər mövcud yanacaq sərfiyyatı səviyyəsini saxlamaqla hasilat istehlak səviyyəsindən aşağı düşəcək. Eyni zamanda, Marsden Point neft emalı zavodunun bağlanması və elektrik enerjisi istehsalı üçün qazdan istifadənin azaldılması resursun istehlak həcminin azalmasına kömək edib.

Agentliyin məlumatına görə, keçən il Yeni Zelandiya 1990-cı ildən bəri ən çox kömür idxal edib. Ölkə 30 ildə ilk dəfə olaraq xalis kömür idxalçısına çevrilib.

Paşa Məmmədli