Türkiyə “Qazprom”un təqdim etdiyi qaz qovşağı layihəsinin konsepsiyası ilə tanış olub və hazırda fəal dialoq aparılır. 

Valyuta.az xəbər verir ki, bu barədə "RİA Novosti" vəziyyətlə tanış olan mənbəyə istinadən məlumat yayıb.

“Qazprom” və Ankara Türkiyədə qaz qovşağının yaradılması məsələsi üzərində işi davam etdirir, Rusiya tərəfi öz konsepsiyasını, parametrlərini və fəaliyyət prinsiplərini təqdim edir.

"Bəli, biz Rusiya tərəfinin təklifləri ilə tanışıq, rusiyalı tərəfdaşlarla dialoqumuz davam edir. Paralel olaraq, potensial təchizatçılar və alıcılarla müzakirələr aparılır", deyə agentliyin həmsöhbəti bildirib.

Onun sözlərinə görə, layihənin Ankara üçün prioriteti prezident Rəcəb Tayyib Ərdoğan tərəfindən dəfələrlə səsləndirilib.

"Cənab Prezident seçkilərdə qalib gəldikdən sonra növbəti beşillik plan üçün yol xəritəsini açıqladı, Türkiyədə qaz qovşağı layihəsi bu kontekstdə prioritetlərdən biridir", deyə agentliyin həmsöhbəti qeyd edib.

Ötən ilin oktyabrında Rusiya və Türkiyə prezidentləri Türkiyədə qaz qovşağının yaradılması məsələsini ətraflı şəkildə işləyib hazırlamaq tapşırıblar. Zədələnmiş “Şimal axını”ndan qaz nəqli ora köçürülə bilərdi. Eyni zamanda, söhbət təkcə Türkiyədə ticarət platformasının yaradılmasından deyil, həm də cənub istiqamətində infrastrukturun inkişaf etdirilməsi və təchizatın artırılmasından gedir.

Paşa Məmmədli