Avropada istehsalı təhdid edən elektrik enerjisi fasilələri Çində də yaranmağa başlayıb.

Ölkənin ən azı 15 əyalətində elektrik enerjisi fasilələr ilə verilir.

Çinin ən mühüm sənaye müəssisələri də elektrik enerjisini failələr ilə alırlar. 

Jiangsu, Zhejiang və Guangdong kimi ixrac bölgələrində zavodlar xarici sifarişləri gecikdirə bilərlər. Həmçinin istehsalın azalmasının qiymətlərin yüksəlməsinə səbəb olacağı bildirilir.

Artan enerji qiymətləri və xərclər ilə əlaqədar olaraq Çində ölkə müqiyasında alüminium, tekstil və soya emalı kimi böyük zavodların fəaliyyətlərini azaltması və ya dayandırılması əmri verilib.

Çin iqlim dəyişikliyinə qarşı daha qərarlı addımlar atdığı dövrdə, təbii qaz və kömür qiymətləri həddindən artıq yüksəlib. Bu səbəbdən elektrik enerjisi istehsalı da azlıb.   

Digər tərəfdən xammal və əmtəə qiymətləri yükəldiyindən metal, şüşə, sement və polad kimi  enerjinin çox istifadə edildiyi sektorlarda istehsal artıb.

Dünyanın ən böyük ikinci iqtisadiyyatında elektrik enerjisi ehtiyacının 56%-i kömür heabına təmin edilir.

Zhengzhou Əmtəə Birjasında kömürün qiyməti yalnız Sentyabr ayının ilk üç həftəsində 40% yüksəlib. Mart ayının əvvəlində 600 yuan civarında ticarət olunan kömür ötən 7 ayda 2 dəfə bahalaşıb.

Yay aylarında baş verən sel kimi təbii fəlakətlər mədən qəzalarına səbəb olub. Bu səbəbdən aparılan sərt yoxlamalar kömür hasilatının azalmasına səbəb olub. Eyni zamanda, rekord fraxt qiymətləri İndoneziya kimi ölkələrdən daşıma xərclərini artırıb. Çinin Covid-19 qarşı tətbiq etdiyi məhdudiyyətlər Monqolustandan da yük maşınlarının keçidini axsadır.

Pekin ilə yaşanan gərginliyə görə Avstraliyadan idxala da embarqo tətbiq olunur.

Mənbə: Marja