2021-ci ilin 8 ayı ərzində Azərbaycandan dünyanın 6 ölkəsinə 2 milyard 350 milyon 392 min ABŞ dolları dəyərində və 13 milyard 241 milyon 764 min kub-metr həcmində təbii qaz ixac olunub. 

Valyuta.az  xəbər verir ki, bu barədə Dövlət Gömrük Komitəsinin açıqladığı aylıq hesabatda əks olunub. 

Sənədə əsasən, cari ilin iyul ayına qədər isə ixracın dəyəri 2 milyard 014 milyon 915 min dollar dəyərində və 12 milyard 061 milyon 123 min kub-metr həcmində olub. 

Bu da onu göstərir ki, bir ay ərzində ixracın dəyəri cəmi 335 milyon 477 min ABŞ dolları və ya 14,27 faiz, həcmi isə 1 milyard 180 milyon 641 min kub-metr və ya 9 faizə yaxın artıb.  

Qeyd edək ki, Azərbaycanın ixrac həyata keçirdiyi ölkələrdən üçü qonşu respublikalardır. Bunlar Türkiyə (974 milyon 457 min dollar - 6 milyard 793 milyon 224 min kub-metr), Gürcüstan (261 milyon 704 min dollar - 2 milyard 094 milyon 457 min kub-metr) və İran İslam Respublikasıdır (5 milyon 043 min dollar – 132 milyon 865 min kub-metr).

Ömər Vəzirli