Bu gün keçirilən hərraclar zamanı Avropada qazın min kubmetrinin qiyməti 797 ABŞ dolları civarında qərarlaşıb.

Bu barədə ICE London qitələrarası birjasının məlumatlarında əks olunub.

Məlumata görə, 17 sentyabr tarixində Avropanın ən likvid virtual satış mərkəzi sayılan Niderlandın "Title Transfer Facility"də (TTF) oktyabr fyuçerslərinin qiyməti hazırda 797 dollar təşkil edir. 16 sentyabr tarixində hərracların bağlandığı vaxta bu göstərici 764 dollar təşkil edirdi.

Xatırladaq ki, bu həftə Avropada qazın qiyməti ilk dəfə olaraq min kubmetr üçün 950 dollar həddini ötüb, sonradan isə azalmağa doğru gedib.

Mənbə: "APA-Economics"