Bu ilin yanvar-avqust aylarında Azərbaycan 872,1 milyon kVt/saat elektrik enerjisi ixrac edib.

Valyuta.az xəbər verir ki, bu barədə Dövlət Gömrük Komitəsinin yaydığı hesabatda qeyd edilib. 

Bu həcmdə elektrik enerjisinin dəyəri 35,2 milyon ABŞ dolları təşkil edib.

Bu, ötən ilin eyni dövrü ilə müqayisədə müvafiq olaraq 7,08 % və 17,49 % azdır.

Hesabat dövründə elektrik enerjisi ixracı Azərbaycanın ümumi ixracının 0,22 %-ni, qeyri neft sektoru üzrə ümumi ixracının isə 2,22 %-ni təşkil edib.