ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2021-ci ilin noyabr müqaviləsinin dəyəri 0,68% artaraq 1 barelə 72,12 dollar təşkil edib.

Valyuta.az-ın "APA-Economics"ə istinadən verdiyi məlumata görə, Nyu-Yorkun NYMEX əmtəə birjasında bu ilin oktyabrında ixrac etməklə WTI markalı neftin 1 barelinin qiyməti 0,73% artaraq 69 dollar təşkil edib.

Xatırladaq ki, bu gün "OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) razılaşması çərçivəsində bir neçə iclasın keçirilməsi nəzərdə tutulub.