Vətəndaşdan xəbərsiz qaz sayğacı söküldü: 3 ay sonra cərimə yazıldı (VİDEO)
Şəki rayon sakini Qaz İdarəsi tərəfindən ona yazılan cərimə ilə razılaşmır. İddia edir ki, qaz sayğacı onun iştirakı olmadan sökülüb və cərimə də ona aid deyil. "Azəriqaz" isə abonentin şikayətinin əsassız olduğunu deyir.
Valyuta.az XezerXeber.az-a istinadən xəbər verir ki, qaz sayğacını onun iştirakı olmadan söküblər, hələ cərimə də tətbiq ediblər.
Bu, Şəki rayonu Qırxbulaq kənd sakini Çinarə İsmayılovanın iddiasıdır. O, iştirakı olmadan qaz sayğacının götürülərək laboratoriyada yoxlanmasını və sayğaca müdaxiləyə görə üç aydan sonra cərimə tətbiq olunmasını qanunauyğun hesab etmir.
Çinarə İsmayılovada sual yaradan məqam odur ki, əgər hər hansı bir problem var idisə, bu barədə onlara cavab niyə 3 ay sonra verilib.
Faktla əlaqədar "Azəriqaz" İstehsalat Birliyinin sözçüsü Eldəniz Vəliyev bildirdi ki, sözügedən sayğac bu ilin yanvar ayının 26-da növbəti dövlət yoxlaması vaxtı çatdığı üçün abonentin iştirakı ilə əvəzlənib və dövlət yoxlamasına göndərilib.
Aprelin 13-də Metrologiya Departamenti və Qaz sayğaclarına nəzarət komissiyası tərəfindən baxış keçirilib və sayğacın çıxış plasmas borusunun deşildiyi aşkar edilib. Ona görə də abonentə 216 manat cərimə hesablanıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay