Dövlət Neft Fondunun aktivləri niyə azalıb? – Ekpert həyacan siqnalı ÇALDI
“Dövlət Neft Fondunun aktivləri I rübdə 1,84% azalaraq 43,6 milyard USD-dən 42,8 milyard USD-yə düşüb”.
Valyuta.az xəbər verir ki, bunu iqtisadçı-ekspert Samir Əliyev bildirib.
ARDNF-nun rəsmi məlumatlarına istinad edən ekspertin sözlərinə görə, Fond 3 ayda $803 milyon itirib:
“Aktivlərin azalmasına səbəb, qızılın uculaşması və əsas valyutaların ABŞ dollarına nəzərən dəyərsizləşməsidir. Təxmini hesablamalar apardıqda məlum olur ki, təkcə 2021-ci ilin yanvar-mart aylarında dünya əmtəə birjalarında qızılın 9,8% ucuzlaşması hesabına Fondun itkisi 580 milyon dollara yaxın olub. Bu müddətdə qızılın unsiyası $1874,3-dən $1691,5-ə düşüb”.
Valyutalara gəldikdə isə S.Əliyev, İngilis funtu istisna olmaqla ən azı aktivlərin 1/3-ni təşkil edən 7 valyutanın 6-sının ABŞ dollarına münasibətdə dəyərini itirdiyini diqqətə çatdırıb:
“Aktivlərin 1/5-nin məxsus olduğu avronun dəyər itirməsi 4%-ə yaxın olub. Bu, Fonda 420 milyon dollar zərər vurub. Daha çox ucuzlaşma paylarının kiçik olmasına rəğmən Türkiyə lirəsi (10%) və Yaponiya yenasında (7,2%) qeydə alınıb. Bundan başqa dollar qarşısında Rusiya rublu 2,2%, Avstraliya dolları 1,25%, Çin yuanı 0,4% zəifləyib. Fondun açıqlamasına görə, valyuta məzənnələrinin dəyişməsindən yaranan fərq ilə bağlı Fondun büdcədənkənar xərci 2 milyard manatdan çox olub”.
Onun fikrincə, diqqəti cəlb edən digər məsələ, A və daha yüksək kateqoriyalı reytinqə malik qiymətli kağızlara yatırımın payının 91,2%-dən 89,9%-ə düşməsidir:
“Əvəzində BBB dərəcəli reytinqə malik kağızların payı 7,4%-dən 8,8%-ə yüksəlib. Əlbəttə, Fondun aktivlərinin azalması fiziki xərcləmələrlə bağlı deyil. Ən azı Fond da qeyd edir ki, I rüb gəlir xərcləri üstələyib. Ola bilsin ki, II rübün sonuna valyutaların dollara münasibətdə möhkəmlənməsi və ya qızıl bahalaşması baş versin. Və yaxud da hər ikisi baş versin. Bu halda aktivlərin artması baş verəcək”.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay