Cari ildə Belarus Azərbaycandan 1 milyon ton neft almağı planlaşdırır.

“Belta”nın məlumatına görə, bunu Belarusun Azərbaycandakı səfiri Andrey Ravkov bildirib.

Onun sözlərinə görə, hazırda Azərbaycandan Belarusa “qara qızılın” tədarükü davam edir:

“Bu il üçün 1 milyon ton planlaşdırılıb. Bu günədək artıq 270 min ton tədarük olunub. 90 min ton neft daşıyan tanker isə hazırda yoldadır”, - deyə diplomat qeyd edib.

Həmçinin səfir əlavə edib ki, 2020-ci ildə Azərbaycandan Belarusa 800 min ton neft tədarük edilib. //oxu.az