Ruzanna Bəşirova

Xərclər üzrə konsultant 

Nəzərə alsaq ki, günümüzdə taksi qiymətləri münasib olduğundan demək olar ki, hər kəs üçün əlçatandır. Məhz elə bu səbəbdən, hər kəs minimum qiymətlərdən istifadə edərək gündəlik taksi xidmətindən yararlanmağa çalışır. Vaxt itkisi, rahatlıq və sürətli çatmaq baxımından üstün olan taksi xidməti xərclər baxımından büdcəyə də bir xeyli təsir edə bilir.

Gəlin taksi xidmətindən istifadənin büdcəmizə olan təsirinə baxaq. Həftədə 5 gün işləyən bir şəxsin gündəlik minimum 2,5 manat qiymətlə işə gedib gəlməsi aylıq (2,5+2,5)*20=100 manat edir. 

Bir reallığı da unutmayaq ki, gündəlik istifadə etdiyimiz taksilər nağd ödəniş zamanı pulun qalığı qəpiklərlə olduğu təqdirdə qaytarmırlar. Belə ki, minimum qiymət 2,50 manat olsa da, biz 3 manat ödəmiş oluruq. Bundan əlavə pik saatlarda da qiymətlərdə yüksəlməni nəzərə alsaq minimum qiymətlər 3-4 manata yüksəlir. Belə olan halda aylıq minimum taksi xərci 120-160 manata çatır.

İşə gedib gəlməkdən əlavə digər təyinat nöqtələrinə getmək üçün də taksi xidmətindən istifadə edirik. Bu zaman isə xidməthaqqı məsafəyə görə dəyişir və 4-5 manata çatır. Ümumi götürdükdə ortalama taksi xərci aylıq 150-180 manat edir ki, bunu da illik götürsək 1800-2000 manat civarında bir xərc yaradır.

İctimai nəqliyyatın əlçatanlığından istifadə edərək taksi xidmətindən nisbətən az istifadə etməklə, eyni zamanda sağlam həyat tərzi üçün yaxın məsafələri piyada gəzərək büdcəyə qənaət etmək də olar.

Doğan Güceloğlunun da dediyi kimi gündəlik xərclərimizə qənaət etməklə büdcə formalaşdırıb bu büdcə ilə də müxtəlif ölkələrə səyahət edərək fərqli mədəniyyyətlərlə tanış ola bilərik.

Bu prosesi reallaşdıran biri olaraq qeyd etmək istəyirəm ki, 2023-2024-cü illərdəki sırf taksi xərclərinə qənaət edərək İstanbul kampında iştirak etmək şansım oldu. Proses öncə insana çətin görünsə də, qısa bir müddətdən sonra alışqanlıq yaranır və nəticədən alınan zövq insanı çox xoşbəxt edir.

Beləliklə, növbəti hədəfim qarşıdakı 1 ildə təkrar taksi xərclərinə qənaət edərək səyahət etmək olacaq.

Bəs sizin taksi xərcləriniz nə qədərdir? Bu xərclərə qənaət edərək hansı ökləyə səyahət edə bilərsiniz? Bu barədə düşünməyə nə deyirsiniz?