“Trendyol” Azərbaycanda istehsal edilən məhsulların bu platformada satışının təşkil olunması ilə maraqlanır.

Azərbaycanın telekommunikasiya və poçt xidmətləri üzrə tənzimləyici qurumu İnformasiya Kommunikasiya Texnologiyaları Agentliyinin (İKTA) rəhbərliyi ilə Türkiyənin tanınmış onlayn satış platforması olan “Trendyol”un nümayəndə heyəti arasında görüş keçirilib.

Görəsən, Azərbaycan istehsallı məhsulların “Trendyol” platformasında satışı bizim şirkətlərə nə verəcək?

"Yerli istehsal məhsullarının sayı, rəqabətliliyini artırmaqla belə platformalardan bundan sonra daha geniş istifadə etməliyik"

Valyuta.az-a açıqlamasında iqtisadçı ekspert Fuad İbrahimov bildirir ki, “Trendyol”la əməkdaşlıq Azərbaycanın istehsalçı şirkətlərin ticarət dövriyyəsinin artmasına şərait yaradacaq: 

“Elektron ticarət platformalarında kifayət qədər təcrübəli, tanınmış platforma üzərindən məhsul satışı ilk növbədə həmin mal və məhsul üzrə ticarət dövriyyəsinin artmasına gətirib çıxaracaq. Yəni həmin məhsulları alacaq istehlakçıların coğrafiyası artmış olacaq. Əlbəttə ki, bu zaman keyfiyyətli mallardan söhbət gedir. Atılacaq bu addımla üçüncü, dördüncü ölkələr məhz bu platforma vasitəsilə məhsullarımızı almaq imkanı əldə edəcəklər. Yerli istehsal məhsullarının sayı, rəqabətliliyini artırmaqla belə platformalardan bundan sonra daha geniş istifadə etməliyik. İndiki vəziyyətdə yerli şirkətlərin öz imkanları ilə bazara çıxması kifayət qədər alıcını əhatə etmir. Ancaq “Trendyol” və ona bənzər ticarət platformaları üzərindən məhsul satışı yuxarıda qeyd edilən problemi dərhal aradan qaldırır”. 

Ramiz