“Bu gün Azərbaycan iqtisadiyyatında əhəmiyyətli dərəcədə təsiri olan neftin qiymətinin ucuzlaşması müşahidə olunmur. Proqnozlar da bunu deməyə əsas verir ki, pandemiya dövründəki  hər hansı bir qiymət uçurumu gözlənilmir”.

Bunu Valyuta.az-a açıqlamasında iqtisadçı ekspert Fuad İbrahimov deyib. Ekspert bildirib ki, dollarla bağlı inzibati idarəetmə üslundan istifadə edildiyi üçün məzənnə sabit olaraq qalır:

“Eyni zamanda da digər makroiqtisadi göstəricilər manatın dayanıqlı olması ilə bağlı fikir söyləməyə imkan yaradır. Bu gün istər idxal-ixrac əməliyyatları arasındakı müsbət profisit saldo, isərsə də ümumilikdə makroiqdisadi tarazlığın bərqərar olması, eyni zamanda infliyasiyanın qismən də olsa səngiməsi kimi göstəricilər manatın dayanıqlı olması haqqında fikir söyləməyə imkan yaradır”.

Ekspert əlavə edib ki, bu gün manata hər hansı təzyiq yoxdur.

Aylin