Bağlanan banklarda mənzil alqı-satqısı prosesi ilə bağlı hesablara köçürülən əmanətlərin batma ehtimalı yoxdur.

Bunu Valyuta.az-a açıqlamasında vəkil Əkrəm Həsənov deyib. Vəkil bildirib ki, “Əmanətlərin Sığortalanması Haqqında” qanunun  26-cı maddəsinə görə, notariusun depozit hesablarında olan fiziki şəxslərə məxsus pul vəsaiti 100% həcmində kompensasiya edilir:

“Kimsə ev almaq üçün notariusa pul köçürür və qarşı tərəf onu çıxarmağa macal tapmadan bank bağlanırsa, onu Əmanətlərin Sığortalanması Fondu kompensasiya edir. Vətəndaşın bankda əmanəti qalırsa, o əmanət 100 min manata kimi kompensasiya edilir. Fərdi sahibkarın 20 min manatdək, notarius hesabında qalıbsa, tam, hətta 100 mindən yuxarı əmanət kompensasiya edilir. Heç bir problem yoxdur”.

Aylin