"Azərbaycanda uçot dərəcəsi kifayyət qədər yüksəkdir. Bu gün isə Mərkəzi Bank uçot dərəcəsini cüzü də olsa azaldılıb".

Bunu Valyuta.az-a açıqlamasında iqtisadçı ekspert Əkrəm Həsənov deyib.

"Bu il Mərkəzi Bankın sədri bəyanat verdi ki, Azərbaycanda uçot dərəcəsi bazara elə də təsir etmir. Çünki biz daha çox idxaldan asılıyıq. Bu baxımdan uçot dərəcəsi azalsa da ciddi təsiri olmur", deyə ekspert bildirib.

Əkrəm Həsənov bunun səbəbini ilin sonuna iqtisadi aktivliyin bir qədər canlandırması ilə izah edib:

“Uçot dərəcəsi artanda iqtisadi aktivlik azalır. Əsas odur ki, devalvasiya təhlüksəsi yoxdur, amma infliyasiya var”. 

Qeyd edək ki, Azərbaycan Mərkəzi Bankı (AMB) növbəti dəfə uçot dərəcəsini endirib. Mərkəzi Bankının İdarə Heyətinin qərarı ilə uçot dərəcəsi 9%-dən 8.5%-ə, faiz dəhlizinin aşağı həddi 7.5%-dən 7%-ə, faiz dəhlizinin yuxarı həddi isə 10%-dən 9.5%-ə endirilib.

Aylin