Bankların bağlanması Azərbaycanda əhalinin onlara olan inamına təsir edir. İnsanlar öz pullarını banklara etibar etməkdən çəkinir. 

Bəs banklara necə güvənə bilərik? Əmanət yerləşdirmək istəyən vətəndaşlar nələrə diqqət etməlidir?

Valyuta.az mövzunu bank məsələləri üzrə ekspert Əkrəm Həsənovla müzakirə edib. 

Ekspert bildirib ki, bankların bağlanmasının vətəndaşlara mənfi təsiri yoxdur:

"Çünki vətəndaşların əmənətləri bir qayda olaraq sığortalanan əmanətlər olur".

Əkrəm Həsənov bildirib ki, vətəndaşlar banklara əmanət yerləşdirəndə, pul qoyanda iki məsələyə diqqət etməlidir:

"Birincisi, bankda bir nəfərin adına 100 min manatdan çox pul olmasın. Əgər əmanət banka manatla yerləşdirilirsə, onun faiz dərəcəsi 12, xarici valyutada yerləşdirilirsə 2.5 faizdən yüksək olmasın. Belə olanda həmin əmanət sığortalanan, qorunan əmanət olur, bank bağlansa da bu vəsaiti Əmanətlərin Sığortalanması Fondu kompensasiya edəcək. Buna görə də burda vətəndaşlar yox, daha çox sahibkarlar, şirkətlər narahat olmalıdır. Fərdi sahibkarların da 20 min manata qədər vəsaiti sığortalı olur, amma şirkətlərin pulu ümumiyyətlə sığortasızdır. Bunlar üçün narahatlığa əsas var. Ona görə də şirkətlər bank seçəndə ehtiyatlı olmalıdır".

Davud