Mərkəzi Bankın məlumatına görə, 2023-cü ilin yanvar-avqust aylarında Azərbaycanda banklara sürətli pul köçürmə sistemləri vasitəsi ilə 1 milyard 694.8 milyon manat vəsait daxil olub. Banklardan xaricə göndərilən vəsaitin həcmi isə 415.8 milyon manat təşkil edib.

Bu isə o deməkdir ki, sürətli pul köçürmə sistemləri vasitəsilə banklara daxil olan vəsaitin həcmi 2.2 dəfə və ya 2 milyard 66.2 milyon manat, banklardan xaricə köçürmələr isə 64.2% və ya 267.1 milyon manat azalıb.

İqtisadi və Sosial İnkişaf Mərkəzinin rəhbəri Rəşad Həsənov Valyuta.az-a açıqlamasında bildirib ki, sürətli pul köçürmə sistemləri vasitəsilə ölkə banklarına daxil olan və xaricə köçürülən vəsaitlərin həcmində baş verən azalmanın səbəbi çox bəsitdir:

“Müqayisə 2022-ci ilin anoloji dövrü ilə aparılıb. 2022-ci ilin göstəriciləri isə real deyil, texniki göstəricilərdir. Çünki bu göstəricilər Rusiya-Ukrayna müharibəsi fonunda formalaşan göstəricilərdir. Əslində normal iqtisadi sosial faktorlara görə, Azərbaycana Rusiyadan pul axınları azalmalı idi. Amma əksinə, kəskin artım baş verdi. Bu investisiyanın qaçışı, yaxud da məhdudlaşdırılan maliyyə əməliyyatlarından yayınmaq cəhdlərinin nəticəsi kimi təzahür edirdi. Amma artıq bununla bağlı da ilkin dalğa keçib. İlk həyəcan keçəndən sonra yenə də bazar əvvəlki sabit, normal tempə qayıdır. Ona görə də 2022-ci illə müqayisədə sürətli pul köçürmə sistemləri vasitəsilə ölkə banklarına daxil olan və xaricə köçürmələrdə belə azalmaların baş verdiyini görürük”.

Ramiz