“Dərman preparatları və vasitələri Azərbaycanda birbaşa idxaldan asılıdır. Demək olar ki, bəzi xırda məlhəmlər, ümumi istifadə olunan müxtəlif cövhərlərdən başqa, əksər dərman preparatları Azərbaycanda idxal olunur”.

Bu sözləri Valyuta.az-a tibbi ekspert Adil Qeybulla Azərbaycana əczaçılıq məhsulların idxalının artması ilə bağlı danışarkən bildirdi.

Belə ki, bu ilin yanvar-avqust aylarında 20,2 min ton əczaçılıq məhsulları idxal edilib. 2022-ci ilin eyni dövründə isə bu rəqəm 19 min ton olub.

A.Qeybulla deyir ki, istehsalla bağlı müəyyən addımlar atılsa da, əczaçılıq məhsulları ilə bağlı idxaldan asılılıq probleminin aradan qalxması yaxın müddətdə reallaşmayacaq: “Ölkənin daxili istehsal məsələsi hələ ki həllini tapmayıb. Müəyyən addımlar atılır, amma bu, yaxın zamanda nəticəsini verməyəcək. Bir-iki ilə ölkənin özünü bütün dərman preparatları ilə təmin etməsi gözlənilmir”.

Nuray