“Dövlətin iki iri bankı var- Azərbaycan Beynəlxalq Bankı və AzəriTürkBank. Neçə illərdir ki, hər iki bankın özəlləşdirilməsi gündəmə gəlir, ancaq nə etsələr də, bu bankları özəlləşdirə bilmədilər”.

Bunu Valyuta.az-a açıqlamasında iqtisadçı vəkil Əkrəm Həsənov iri bankların özəlləşdirilməsindən danışarkən deyib. Vəkil bildirib ki, görünür hər iki bank hərraca baha çıxarılıb:

“Heç kəs gəlib almadı, çünki Azərbaycanın dövlət şirkətlərində idarəetmənin səviyyəsi bəllidir. Buna görə də bu bankları heç kəs almır. Beynəlxalq Banka gəlincə, hesab edirəm onu ancaq xarici investor ala bilər. Daxildən kim alacaq ki? Yaxud da, Azərbaycanın daxilində bu banklar heç bir kəsə maraqlı olmayıb".

Əkrəm Həsənov vurğulayıb ki, hər iki bankın səhmlərinin bir hissəsinin satılması tam özəlləşdirmək demək deyil:

“Bu halda özəl əllərə nəzarət paketi keçməyəcək. Adi insanlar da oradan səhm ala bilər. Bu yolla maliyyələşdirmək istəyirlər”.

Aylin