“Lirə hazırda sürətlə bahalaşsa da, bunun davamlı olacağını düşünmürəm”

Valyuta.az xəbər verir ki, bunu iqtisadçı Eldəniz Əmirov bildirib.

İqtisadçı deyir ki, lirənin əvvəlki vəziyyətinə qayıtması qısa müddətdə baş verməyəcək: “Bu gün Türkiyə Mərkəzi Bankının uçot dərəcəsini 7,5 faiz bəndi artıraraq 17,5 faizdən 25 faizə qaldıması lirəyə psixoloji təzyiqi azaldıb və lirə dəyər qazanıb. Uçot dərəcəsinin birdən-birə 7.5 faiz bəndi artımı qarşısında bunu normal qarşılamaq lazımdır. Amma qarşıdakı uzun müddət ərzində lirənin bu templə bahalaşmasının davamlı olacağını gözləmirəm. Psixoloji effektlər neytrallaşdıqdan sonra nisbətən dinamika azalacaq və lirənin əvvəlki vəziyyətinə dönməsi üçün hələ uzun müddət lazım olacaq”.