“Bu gün ölkədən günlük valyuta çıxartmağa və valyuta köçürtməyə məhdudiyyət var”.

Bunu Valyuta.az-a açıqlamasında iqtisadçı vəkil Əkrəm Həsənov Mərkəzi Bankın "Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması Qaydaları”na edilən dəyişiklikdən danıpşarkən deyib edib. 
Ekspert günlük məhdudiyyətin aylıqla əvəz olumasının müsbət dəyərləndirib:

“Onda vətəndaşı məcbur edirdilər ki, hər gün banka getsin və 1000 dollar köçürtsün. Bu aylıq müəyyən olunsa, yaxşıdır”.

Xaricdəki kart məsələsinə gəlincə, ekspert burada məntiqin olduğunu vurğulayıb:

“Çünki burdan pul köçürə bilmirsənsə, özünlə kart aparıb orada nağdlaşdırırsansa, bu faktiki pulu ölkədən çıxarmaq hesab olunur. Sadəcə bir məsələ necə həllini tapacaq mənə bəlli deyil. Əsas problem odur ki, vətəndaş bir neçə bankın kartını götürə və hamısını hissə-hissə nağdlaşdıra bilər. Bu məsələ necə tənzimlənəcək? Bunun cavabı yoxdur”. 

Qeyd edək ki, Mərkəzi Bank "Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması Qaydaları”na dəyişiklik edib. Yeni qaydalara əsasən, Azərbaycanda emissiya olunmuş ödəniş kartları vasitəsilə rezident fiziki şəxslər tərəfindən ölkə hüdudlarından kənarda təqvim ayı ərzində 10 min dollar ekvivalentinədək məbləğdə pul vəsaitinin nağdlaşdırılması mümkün olacaq.

Aylin