2023-cü ildə orta illik inflyasiya 10,4 faiz səviyyəsində olacaq. Bu barədə Maliyyə Nazirliyinin “2023-cü ilin dövlət və icmal büdcələrinin yarımillik icrasına dair arayış və ilin sonuna gözləntilər sənədi”ndə bildirilib.

"2023-cü ildə orta illik inflyasiya ilkin proqnozlar zamanı 6,9 faiz səviyyəsində nəzərdə tutulsa da, yenidən baxılma zamanı faktiki göstəricilər, gözlənilən meyillər nəzərə alınmaqla, 10,4 faiz səviyyəsində olacağı proqnozlaşdırılır ki, bu da ilkin proqnozdan 3,5 faiz bəndi çoxdur", deyə sənəddə qeyd edilib.

İqtisadçı ekspert Fuad İbrahimov Valyuta.az-a açıqlamasında 10 faizlik inflyasiyanın əlçatan hədəf olduğunu bildirib:

“Əvvəl verilən birrəqəmli proqnoz sadəcə populizm idi. Artıq ilin birinci rübündən sonra bəlli oldu ki, inflyasiya iki rəqəmli olacaq. İndiki halda, inflyasiyanın səviyyəsini 10 faiz civarında saxlaya bilsələr, bunu əslində müvəfəqiyyət kimi qeyd etmək olar. Amma inflyasiyanın 12 faiz civarında olması ehtimalı daha böyükdür. Bununla belə 10 faizlik səviyyə də realdır. Dünyada inflyasiya tempinin səngiməsi, informativ şok mənbələrinin qiymətlərə artıq təsir etməməsi, ərzaq məhsulları qiymətlərinin dinamik olaraq tədricən aşağı enməsi kimi proseslər inflyasiya tempinin zəiflədiyini deməyə əsas verir. Düzdür, dövlət tərəfindənq qabaqlayıcı tədbirlər görülməsəydi, bu il üçün gözlənilən inflyasiya 15 faizdən də artıq ola bilərdi”.

Ramiz