“Azərbaycanda banklara olan etibar bərpa olunmayıb”.

Bunu Valyuta.az-a açıqlamasında iqtisadçı ekspert Akif Nəsili deyib. Onun sözlərinə görə, əvvəlki illərdə müəyyən qədər bankalara etibar var idi, amma 2015-ci ildən sonra bu etibar itib:

“Həmin ildə baş verən devalvasiya və hökümətin banklarda əmanətləri olan vətəndaşlara dəstək olmaması, dəstəyi də yalnız sahibkarlara verməsi sadə vətəndaşların banlara etibarını itirdi. Öncə bu güvəni geri qaytarmaq lazımdır”.

Akif Nəsirli vurğulayıb ki, bu Dünya Bankının apardığı araşdırmalar nəticəsində hasil olan bir göstəricidir:

“Üç Cənubi Qafqaz ölkəsində müəyyən istiqamətlərdə sorğular aparıblar. Sorğular və hesablamalar nəticəsində bu göstərici ortaya çıxıb. Bu göstəricidə Cənubi Qafqaz ölkələrinin ən varlı olanı Azərbaycandır. Azərbaycanda sərvət, neft, qaz, daha geniş münbit torpaqlar, digər yeraltı sərvətlər var. Ona görə də bu göstərici əslində Azərbaycanda daha yüksək olmalıdır. Məsələn, əhalinin yığıma yönəltdiyi gəlir daha çox olmalıdır. Çünki burada əhalinin gəlirlərindən də əlavə dövlətin, hökümətin gəlirləri var, eyni zamanda dövlət iqtisadiyyatla məşğuldur. Amma biz tərsini müşahidə edirik. Niyə? Azərbaycan hər iki ölkədən geri qalır. Bu günkü göstərici bir-birindən fərqlidir. Bir də əhalinin yığma yönəltdiyi vəsait var. Azərbaycanda əhalnin yığıma yönəltdiyi vəsaitlər çox azdır. Ona görə ki, ölkədə əmək haqqları, digər müavinətlər, pensiyalar aşağıdır. Əhalinin gəlirləri o qədər azdır ki, insanlar ay ərzində əldə etdiyi bütün gəlirlərini ayın sonuna kmi xərcləyib qurtarır. Hətta bir qədər də borc alırlar. Belə olan halda banka yatırmağa da vəsait qalmır”.

Qeyd edək ki, statistikaya əsasən, Gürcüstanda əhalinin 9%-i, Ermənistanda 7%-i, Azərbaycanda isə 4%-i banklarda pul saxlayır. 

Aylin