“Mərkəzi Bankın uçot dərəcəsinin stabil saxlamasının əsas səbəbi infliyasiyanın nisbətən azalmasıdır”.

Bunu Valyuta.az-a açıqlamasında iqtisadçı ekspert Xalid Kərimlinin Mərkəzi Bankının uçot dərəcəsi ilə bağlı qərarını şərh edərkən deyib. 
Ekspert infliyasiyanın may ayında 0,4% olduğunu vurğulayıb:

“İllik əsasda da bir qədər azalıb, 10,5%-ə düşüb. İnfliyasiya bir qədər ləngiyib, eyni zamanda dünyada da ərzaq qiymətləri ucuzlaşıb. Həm enerji qiymətləri, həm qeyri-enerji qiymətlərində ucuzlaşmalar var. Logistika xərcləri pandemiyadan əvvəlki səviyyəyə geriliyib. Bu da onu deməyə imkan verir ki, infliyasiya daha da düşəcək”.

Xalid Kərimli hesab edir ki, bunları nəzərə alan Mərkəzi Bank bir qədər faiz dərəcəsi siyasətini sabit saxlamaq qərarını verib.

Qeyd edək ki, Azərbaycan Mərkəzi Bankının (AMB) İdarə Heyəti (İH) uçot dərəcəsinin 9 % səviyyəsində saxlanılması barədə qərar qəbul edib.

Aylin