"Manatın məzənnəsinin güclü olması Azərbaycana daxil olan xarici valyutadan asılıdır”. 

Bu sözləri Valyuta.az-a iqtisadçı Asif İbrahimov “kredit faizləri aşağı salınsa, Azərbaycan manatının taleyi necə ola bilər” sualına cavab verərkən deyib.

İqtisadçı hesab edir ki, Azərbaycan iqtisadiyyatı özünəməxsus bir iqtisadi modeldir:

“Azərbaycan neft ölkəsi olduğu üçün dövlət büdcəsinin böyük hissəsi neft gəlirlərindən formalaşdırılır. Bir çox məhsulları biz xaricdən idxal edirik və xaricə ən çox ixrac etdiyimiz məhsullar neft və onunla əlaqədar sahədən olan məhsullardır”.  

Ekspert qeyd edir ki, kredit faizlərinin aşağı salınması məsələsini bir az ayırmaq lazımdır:

"Dediyiniz məsələni inflyasiyadan və manatın məzənnəsinin güclü olmasından ayırmaq lazımdır. Ölkədə inflyasiya baş verir. Bir çox məhsulları xaricdən idxal edirik. Həmçinin bir çox məhsullar var ki, burada istehsal edirik, amma onların tərkibindəki inqridentləri xaricdən alırıq. Yəni məcburi qaydada hər hansı xərclər artırsa, inflyasiya bu səbəbdən baş verir. Hazırda dövlət büdcəsində minimum 50 dollardan hesablandığı halda 80 dollardan artıq Azərbaycan büdcəsinə neft gəlirlərindən vəsait daxil olur. Yəni qiymət dayanmadan artır və ya enir, neftdən orta hesabla 75-85 dollar vəsait daxil olur”. 

Ekspert kredit faizlərinin aşağı salınmasında hansısa bir təhdid görmədiyini bildirib:

“Kredit faizlərinin aşağı salınsa, əksinə, əhalinin ödəmə qabiliyyəti artar. Azərbaycan vətəndaşı götürdüyü kreditə 36-ya qədər illik faiz ödəyir. Bu da bir çox ölkələrlə müqayisədə kosmik rəqəmlərdir. Türkiyədə bu təkrəqəmlidir. Xüsusilə də postsovet məkanlarında ən çox kredit faizi olan ölkə Azərbaycandır. Bu faizlər 23 faizdən 36 faizə qədər qalxır. Düşünmürəm ki, kredit faizlərinin aşağı salınmasının ölkə iqtisadiyyatına mənfi təsiri olacaq".

Davud