"Böyük banklardan, məsələn “Kapital Bank” və digərlərinin razılıq olmadan kredit bürosundan vətəndaşların kredit tarixçəsi haqda məlumat alması kimi faktlar var”.

Bunu Valyuta.az-a iqtisadçı ekspert Əkrəm Həsənov deyib. Vəkilin sözlərinə görə, bununa bağlı ona çoxlu sayda müraciətlər olunub:  

“Elə mənim özüm, dəfələrlə getmişəm kredit bürosundan çıxarış almışam, görürəm ki, “Kapital Bank” həftədə bir dəfə barəmdə sorğu verib. Bilirəm ki, başqa banklar da bunu edir, çünki mənə şikayətlər daxil olur. Halbuki, Kredit Büroları Haqqında qanunda göstərilir ki, vətəndaşın razılığı olmadan yazılı, yaxud da elektron imza ilə kredit bürosundan məlumat əldə edilə bilməz. Böyük banklar isə adlarından istifadə edir, bilir ki, onlara qarşı tədbir görülməyəcək, cəzalanmayacaqlar. Odur mən bu məsələni Mərkəzi Bankın rəhbəri Taleh Kazımovun qarşısında qaldırdım. Bankların inisarlaşmasının mənfi cəhətlərindən biri də odur ki, onlar nə istəyirlərsə, edirlər”.

Əkrəm Həsənov hesab edir ki, bu bankların vətəndaşlara qarşı kobud qanun pozuntusu kimi qiymətləndirilməlidir.

Aylin