Azərbaycan da daxil olmaqla region ölkələri üçün infilyasiya qaçılmazdır - Deputat
"Bütövlükdə, yeni düzən fonunda regionun geo-siyasi və geo-iqtisadi xəritəsində dəyişikliklər olur. Bu isə Azərbaycanın geo-siyasi mövqeyinin daha da güclənməsi ilə müşahidə edilməkdədir”.
Valyutaaz xəbər verir ki, bunu Milli Məclisin deputatı Vüqar Bayramov Ukrayna Prezidentinin humanitar dəstəyinə görə Azərbaycana təşəkküründən danışarkən deyib.
Onun fikirincə, bu, Azərbaycanın çoxsahəli, müstəqil xarici siyasətinin nəticəsi kimi xarakterizə olunur:
"Dünən Ukrayna Prezidenti Volodimir Zelenski Azərbaycan Prezidenti İlham Əliyevə zəng edib. Telefon danışığı əsnasında Prezident Volodimir Zelenski tibbi ləvazimatlar daxil olmaqla, Ukraynaya göstərilən humanitar yardıma görə Prezident İlham Əliyevə təşəkkürünü bildirib. Ukrayna Prezidenti öz twitter hesabında da paylaşım edərək humanitar dəstəyə görə Azərbaycan dövlət başçısına öz təşəkkür edib. Azərbaycan regionda yeganə ölkələrdəndir ki, savaş başladıqdan bəri Ukrayna Prezidenti 3 dəfə öz sosial media hesabında paylaşım edərək təşəkkürünü bildirib”.
Deputat bildirib ki, Volodimir Zelenski həmçinin Azərbaycana Ukraynanı əkin üçün yanacaqla təmin etməyə hazır olduğuna görə təşəkkür edib:
"Ukrayna regionda ərzaq təminatı baxımdan vacib ölkələrdən hesab olunur. Savaş dünya bazarında ərzaq məhsullarının qiymətinin növündən asılı olaraq 8-22 faiz artırıb. Avropada infilyasiya səviyyəsi son 30 ildə ən yüksək səviyyədədir. Təbii ki, bu, Azərbaycan daxil olmaqla region ölkələri üçün də idxal infilyasiyası qaçılmazdır”.
Vüqar Bayramov hesab edir ki, Azərbaycanın Ukraynada əkin üçün yanacaq təminatı həyata keçirməyə hazır olması həmçinin ərzaq istehsalı baxımdan da vacibdir:
"Ukraynada əkinin bərpa edilməsi və aparılması sözügedən ölkənin yenidən region bazarına öz məhsullarını çıxarmasına imkan yarada bilər”.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay