BAKU Azərbaycan
24.03°C
  • 1 USD ABŞ dolları
    1.7000
  • 1 EUR Avro
    2.0105
  • 1 RUB Rusiya rublu
    0.0208
  • 1 TRY Türkiyə lirəsi
    0.0229
  • 1 GBP İngiltərə funt sterlinqi
    2.3469

Azərbaycanda qlobal istiləşməyə qarşı mühüm işlər görülür.

Bunu ekoloq Fikrət Cəfərov deyib.

O bildirib ki, bu gün ekologiyaya təsirlər əsasən enerji sektorundadır və enerjinin yaşıllaşdırılması istiqamətində mühüm işlər aparılır: 

"Bildiyiniz kimi, qlobal iqlim dəyişikliyinə səbəb olan əsas amillərdən biri istixana qazlarının havaya buraxılmasıdır. Ölkədə bütün energetika müəssisələri təbii qazla təmin olunub və bundan istifadə olunur. Bu da keçmişdə istifadə olunan yanacaqdan fərqli olaraq havaya buraxılan zərərli qazların miqdarının 15-20 dəfəyə yaxın azaldılması deməkdir.

Digər tərəfdən, Azərbaycan Dövlət Neft Şirkəti (SOCAR) yeni strategiya qəbul edib. Bu strategiyanı 20-20-20 adlandırmaq olar. İlk 20 faiz atmosferə atılan qazların miqdarının azaldılması, o biri 20 faiz bərpa olunan enerji mənbələrindən istifadə olunmasıdır. Bu gün quruda və dənizdə günəş panellərindən və külək enerjisindən istifadənin miqyası genişləndirilir. Qeyd etdiyimiz digər 20 faiz isə metan qazların emalıdır. Neft çıxarılması zamanı aşağı təzyiqli qazlar meydana gəlir. Onları emal və istifadə etmək çox təhlükəlidir. Bu səbəbdən çox zaman onu yandırırdılar.

Bu gün SOCAR-ın proqramında həmin qazların yığılması, tənzimlənməsi və istifadəsi nəzərdə tutulub. Beləliklə, həmin qazlar artıq birbaşa atmosferə buraxılmayacaq. Hesab edirəm ki, bu mənada Azərbaycanın iqlim dəyişikliyinə qarşı fəaliyyətini müsbət qiymətləndirmək olar".

Ekspert iqlim dəyişikliyinə səbəb olan digər amilin isə nəqliyyatın karbon emissiyası ilə bağlı olduğunu deyib və bu istiqamətdə də ölkədə müsbət işlər görüldüyünü diqqətə çatdırıb: 

"Birinci növbədə, Avropa standartlarına keçid edilib. Yanacaq sistemində dəyişiklik olunub. Bu gün elektrikli avtomobillərdən istifadə dövlətin əsas siyasətinin tərkib hissəsidir. Müxtəlif güzəştlər, rüsumların azaldılması ölkəyə hibrid avtomobil və elektromobillərin gətirilməsini asanlaşdırıb. Bunun sayəsində nəqliyyatdan havaya buraxılan zərərli qazların miqdarı xeyli dərəcədə azalıb və ölkədə hibrid və elektrikli avtomobillərin sayı kifayət qədər artıb".

Qeyd edək ki, son illərdə yanğınların artması və yaşanan quraqlıq qlobal iqlim dəyişikliklərinin göstəricisi hesab edilir. Son bir neçə ildə qlobal temperatur 1,1 °C artıb. Bununla əlaqədar imzalanan Paris Sazişinə əsasən, ölkələr mitiqasiya cəhdləri ilə istiləşməni "2.0 °C-dən aşağıda" saxlamaq haqqında razılığa gəliblər. 

Lakin vədlərə baxmayaraq, hazırkı siyasətə əsasən, əsrin sonuna kimi qlobal istiləşmənin təxminən 3,0 °C-ə çatacağı gözlənilir. İstiləşmənin 1,5 °C-ə qədər məhdudlaşdırılması planı isə yalnız 2030-cu ilə qədər emissiyaların yarıya, 2050-ci ilə qədər isə sıfıra endirildiyi halda baş tuta bilər.

Mənbə: Trend

Son xəbərlər

Bakıda əhalinin sayı 2 milyon nəfəri ötdü - RƏSMİ

Bakıda əhalinin sayı 2 milyon nəfəri ötdü - RƏSMİ

Azərbaycanda vaxtı keçən kreditlərin payı aşağı düşüb

Müəllimlərin əmək haqqının yeni qaydada necə hesablanacaq? - TN

Ünvanlı sosial yardım ödəniləcəyi tarix açıqlandı

Avropadakı qaz böhranı neftə tələbatı artıra bilər - PROQNOZ

“Təmiz Şəhər” ASC İnvestisiya Holdinqinin idarəetməsinə verildi - SƏRƏNCAM

Əhali kreditləri plastik kartlarla almağa üstünlük verir

Rusiyada "Aİ-95" markalı benzinin qiyməti rekord həddə çatdı

“Azərbaycan Beynəlxalq Bankı” İnvestisiya Holdinqinin idarəetməsinə verildi

“Azərbaycan Beynəlxalq Bankı” İnvestisiya Holdinqinin idarəetməsinə verildi

“Şəhərdən Kəndə” aqroekoturizm layihəsi çərçivəsində daha bir təsərrüfata dəstək göstərildi

Təbii qazın bahalaşması davam edir

Sürət zəif, qiymət isə baha: İnternet problemi nə vaxt həll olunacaq?

“Azərxalça”da 22 milyon hara sərf olunub? - Dövlət xalçaçılığa dəstək olmaq istəyirsə...

“Azərxalça”da 22 milyon hara sərf olunub? - Dövlət xalçaçılığa dəstək olmaq istəyirsə...

Ali məktəblərdə dərslərin təşkili qaydası açıqlandı

Azərbaycanda bu il inflyasiya hədəf diapazonu çərçivəsində qalacaq

Bakıda ağacları qanunsuz kəsənlər axtarışa verildi: Təbiətə böyük ziyan vurublar

Tədrisin başlanması ilə bağlı metro stansiyalarına nəzarət gücləndirildi

Nazirlər Kabineti yeni tədris ilinin başlaması ilə bağlı qərar verdi

"Brent" neftinin qiyməti 75 dolları ötdü

Buğdadan hazırlanan un bahalaşdı – Qiymət açıqlanır

Buğdadan hazırlanan un bahalaşdı – Qiymət açıqlanır

Bütün xəbərlər