ABŞ Federal Ehtiyat Sistemi ("Fed") iyul-sentyabr dövrünə aid "ABŞ-nin Maliyyə Hesabları" adlı hesabatını yayımlayıb.  

Valyuta.Az xəbər verir ki, hesabata əsasən, ölkədə ailələrin xalis sərvəti bu ilin III rübündə 168,8 trilyon dollar təşkil edib.  

Bu dövrdə rekord səviyyəyə çatan ailə sərvəti əvvəlki rüblə müqayisədə 2,9 faiz, 2023-cü ilin eyni dövrü ilə müqayisədə isə 11,4 faiz artıb.  

ABŞ-da ailələrin xalis sərvəti bu ilin I rübündə 161,2 trilyon dollar, II rübdə isə 164 trilyon dollar olaraq hesablanmışdı.  

İlin III rübündə amerikalıların səhm aktivlərinin dəyəri 2,8 trilyon dollar artdığı halda, daşınmaz əmlaklarının dəyərində 200 milyard dollarlıq azalma qeydə alınıb.  

Amerikan ailələrinin borcu isə III rübdə 3 faiz artıb. Həmin dövrdə istehlak kreditləri 2,5 faiz, ipoteka (ev krediti) borcları isə 3,1 faiz yüksəlib.  

Rəhim