Avropa Rusiyanın Ukraynada müharibə başlayandan bəri ən soyuq qışı yaşayır ki, bu da enerji qiymətlərinin artmasına səbəb olacaq. 

Valyuta.az xəbər verir ki, bu barədə "Bloomberg" yazıb.

"Avropa Rusiyanın Ukraynaya təcavüzündən bəri ən soyuq qışına hazırlaşır və bu, qitənin qaz ehtiyatlarını adi haldan daha tez tükəndirdiyi üçün enerji qiymətlərini artıracaq", deyə nəşr qeyd edib.

Avropa Orta Mənzilli Hava Proqnozları Mərkəzinin məlumatına görə, qarşıdan gələn qışda orta temperatur son üç ilin ən aşağı temperaturu olacaq ki, bu da isitmə tələbatını artıracaq. Bu, həm də yanvarın 1-dən Ukrayna ərazisindən qaz nəqlinin dayandırılması ilə üst-üstə düşə bilər.

Avropanın bu ay anbardan qazı həmişəkindən daha tez istifadə etdiyi deyilir ki, bu da qışın sonu və gələn yay doldurma mövsümü ilə bağlı narahatlıqları artırır.

Noyabrın 23-də "Bloomberg" xəbər verib ki, Avropa yeni qaz böhranı ilə üzləşib. Agentlik qeyd edir ki, sürətlə tükənən qaz ehtiyatları və Moskvadan tədarükün gözlənilən azalması Avropada yeni enerji böhranı üçün ilkin şərtlər yaradır.

Paşa Məmmədli