Çin hakimiyyətinin iqtisadiyyatı stimullaşdırmaq qərarından sonra Çin şirkətlərinin səhmləri 2008-ci ildən bəri bir həftə ərzində ən yüksək səviyyəyə çatıb. 

Valyuta.az zəbər verir ki, bu barədə "Financial Times" (FT) yazıb.

Nəşrin məlumatına görə, Pekinin fond bazarına 114 milyard dollar investisiyası Şanxay və Şençjen birjalarının şirkətlərinin daxil olduğu CSI 300 indeksinin 15,7% artmasına səbəb olub.

"Abrdn"in Çin səhmlərinin rəhbəri "Nicholas Yeo" Çin iqtisadiyyatının və fond bazarının inkişafında kritik bir mərhələ elan edib.

"Invesco"nun qlobal bazar strateqi David Çao əlavə edib ki, Federal Ehtiyat Sisteminin faiz dərəcələrinin aşağı salınması səbəbindən dolların zəifləməsi ilə, bahalı və sıx yüksək texnologiyalı sektorlardan fərqli olaraq, inkişaf etməkdə olan bazarlarda daha əlverişli aktivlərə keçid mümkündür.

Həmçinin Çinin iqtisadi stimullaşdırma tədbirlərinin neft istisna olmaqla, əksər əmtəələrin qiymətlərinin artmasına səbəb olduğu müşahidə edilib. Neft qiymətləri Səudiyyə Ərəbistanının hasilatı artıracağı ilə bağlı şayiələr fonunda ucuzlaşıb. Eyni zamanda, mis, alüminium və sink kimi sənaye metallarının qiyməti Çindən gələn tələblə bağlı bahalaşıb. Məsələn, sentyabrın 24-dən mis 5%-dən çox bahalaşaraq bir ton üçün 10 min dollar həddini keçib.

Bir gün əvvəl Çin hakimiyyəti ölkənin ÜDM artımını canlandırmaq üçün səyləri gücləndirib. Yeni yaşayış binalarının tikintisini, habelə aztəminatlı və işsiz vətəndaşlara ödənişlərin məhdudlaşdırılması yolu ilə daşınmaz əmlak bazarının sabitləşdirilməsi ilə iqtisadiyyatın sürətləndirilməsi nəzərdə tutulur.

Paşa Məmmədli