Atom elektrik stansiyalarının fasiləsiz enerji təchizatı xətləri ilə istənilən təmas bu qurğuların təhlükəsiz istismarı üçün ciddi risklər yaradır. 
Valyuta.az xəbər verir ki, bu barədə fizika-riyaziyyat elmləri doktoru, nüvə enerjisi üzrə ekspert Lüdviq Litvinski Kiyev24 telekanalında danışıb.

"Mümkün zədələrə gəlincə, təkcə atom elektrik stansiyalarından elektrik enerjisini yönləndirən xətlər deyil, həm də elektrik kəsildiyi təqdirdə xarici enerji təchizatını təmin edən fasiləsiz elektrik xətləri də zədələnə bilər", - o deyib. 

Ekspert vurğulayıb ki, bunlar AES-in təhlükəsiz istismarı üçün ciddi risklərdir:

“Ümumiyyətlə, bildiyimiz kimi, dünyada müasir AES-lərin heç biri öz ərazisinin yaxınlığında və ya birbaşa ərazidə hərbi əməliyyatlar aparmaq üçün nəzərdə tutulmayıb. Hələ raketlə vurulmağı demirəm”.

Qeyd edək ki, Prezident Vladimir Zelenski sentyabrın 24-də BMT Təhlükəsizlik Şurasının iclasında çıxışı zamanı bildirib ki, Rusiya Ukrayna ərazisində üç AES-ə hücum etmək istəyir və təcavüzkar ölkənin belə niyyətlərinə dair sübutlar var.

Bundan əvvəl dövlət başçısı xəbərdarlıq etmişdi ki, ruslar Çin peyklərindən istifadə etməklə Ukrayna atom elektrik stansiyalarının şəklini çəkirlər ki, bu da hücuma hazırlıqdan xəbər verə bilər.

Polşa prezidenti Anjey Duda vurğulayıb ki, Qərb Rusiyanın Ukraynadakı atom elektrik stansiyalarına mümkün hücumları təhlükəsini nəzərə almalıdır. Və bu baş verərsə, dərhal müdaxilə etmək lazım gələcək.

Nicat